كيف تتعلم اللغه الانجليزيه بسرعه وبطريقه عصريه

غريب الدار · 04-05-2008

كيف تتعلم اللغه الانجليزيه بسرعه وبطريقه عصريه

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول
<<<<ايه هيين

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع

من مايعرف الرئيس الامريكي ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:

وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let is go = ليتس قوه

كف = فيه احد ما جاه كف على وجه ؟ انا بصراحه تصفقت لين دخت

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك

سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه

طيب وش رايكم كسبت التحدي ولا لا؟

<<<<اقول صدقة عمرك قم بس قم <<<<< stand up just stand up

TASI · 04-05-2008

كيف تتعلم اللغه الانجليزيه بسرعه وبطريقه عصريه

صارت الإنجليزية سهلة .. ليتني تعلمتها على هالطريقة

دكتورة نملة · 04-06-2008

كيف تتعلم اللغه الانجليزيه بسرعه وبطريقه عصريه

غررريب ........ وش ذا اللغه ........

saif5 · 04-06-2008

كيف تتعلم اللغه الانجليزيه بسرعه وبطريقه عصريه

تسلم اخي غريب الدار
تقبل مروري

غريب الدار · 04-06-2008

كيف تتعلم اللغه الانجليزيه بسرعه وبطريقه عصريه

حياكم حبايبي

اهم شي انكم استفدتوا من ما لدي

ولو بالشي القيل

<< وش عنده فيثاغورس << واضح ان الرياضيات مأثره عليه حبتين

حنين الشوق · 04-06-2008

كيف تتعلم اللغه الانجليزيه بسرعه وبطريقه عصريه

استفدنا غريب الله لايهينك

نحفظ هالطريقة عندنا في المفضلة عشان عيالنا يستفيدوووووون

هذا إذا فهموا ..!!!!

رَوحٌ وريحان · 04-07-2008

كيف تتعلم اللغه الانجليزيه بسرعه وبطريقه عصريه

والله عقدتها ما سهلتها ,,,,

يسلمووووو غريبوووووو

غريب الدار · 04-07-2008

كيف تتعلم اللغه الانجليزيه بسرعه وبطريقه عصريه

حنين ان شالله عيالك ما يصيرون مثلك .!!

يصيرون ازين شووووي منك

...........................................

ليالي حبيبتي

ترا الموضوع يحاكي حالي مع العنجليزي

اسعدني تواجدكم
حبايبي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعلم اللغه الاندوسيه	رووونه	كورنيش الخبر للصرقعة والدردشة	19	03-08-2008 05:13 PM
فهد ادخل هنا بسرعه بسرعه بسرعه بسرعه بسرعه بسرعه بسرعه بسرع	غريب الدار	كورنيش الخبر للصرقعة والدردشة	30	02-13-2008 05:29 AM
تعلم اللغه الفرنسيه	اكسير الحياة	كافيه الخبر للحياة العامة	9	01-25-2007 03:28 AM
أفضل 100 حكمة عالمية عصريه..!!	TASI	كافيه الخبر للحياة العامة	10	08-04-2006 05:37 AM
Globe7 اتصل مجانا من جهازك وبطريقه سهله	adel14334	الخبر لبرامج الحاسب الآلي و الجوال واخبار تقنية المعلومات	7	07-30-2006 01:58 PM

المعلومات الواردة في هذا الموقع لا تعبر بالضرورة عن وجهة نظر الإدارة وإنما تعبر عن وجهة نظر كاتبها الإدارة لاتتحمل أدنى مسؤولية عما يكتبه الأعضاء أوعن أي علاقات قد تنشأ من خلال الموقع
روابط ذات صله	روابط ذات صله	روابط ذات صله	روابط ذات صله
سيارات الخبر مدينة الخبر العاب الخبر طب الخبر	مهرجان الخبر منتدى طلاب وطالبات الخبر منتدى برامج الخبر Institute For Languages تصميم الخبر	الخبر للاهداءات والترحيب عيادة الخبر واحة الخبر للثقافة والأدب صوتيات و مرئيات الخبر	افلام الخبر توبيكات \| توبك شرح برنامج الخبر برنامج الخبر كرة القدم الخبر

الذين يشاهدون محتوى الموضوع الآن : 1 ( الأعضاء 0 والزوار 1)

التسجيل مجاني
سجلاتنا تفيد بأنك غير مسجّل ,, يرجى التسجيل إسم العضو كلمة السر تأكيد كلمة السر البريد الإلكتروني تأكيد البريد الإلكتروني هل انت موافق؟ قوانين المنتدى