مواقف بعض البنات

جالكسي والدنيا عكسي · 03-12-2009

مواقف بعض البنات

السلام عليكم

بعض مواقف بعض البنات في شهر العسل

أولاً
تقول الاخت: زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت: مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه او طبق معين
============ ========= =====
ثانياً
وحده شعرها دايم يحتاجله سشوار مهو بناعم، المهم السشوار اخترب مادري وش صار فيه، عاد هي ذكاءها قادها لفكره جهنميه
وش سوت، راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه
============ ========= ======
ثالثا
وحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له

وحطوا لنا طبعاً قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
============ ========= ======
رابعا
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانها وجبة أطفال !!
============ ========= =======

خامسا
وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفعته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك يامره، كذا جلست البنية تصيح، وتقول كله من أهلك
يقولون امزحي معه وهذي آخرتها
============ ========= =========
سادسا
وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
============ ========= ========
سابعا
هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي

============ ========= =========
وأخيراً
هذا الموقف قرأته بمجله وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد
مرور سنة طاحت بنفس المكان قالها عمى ما تشوفين.

غريب الدار · 03-12-2009

مواقف بعض البنات

اقتباس:

أولاً
تقول الاخت: زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت: مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه او طبق معين

قوووووووووووووووووووويه

أحس انها معنا بالمنتدى

يمكن تكووون وحده تبدأ بحرف الشموخ

يق يق يق يق

شموخ إنسانه · 03-12-2009

مواقف بعض البنات

اقتباس:

المشاركة الأصلية كتبت بواسطة جالكسي والدنيا عكسي

يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي

هههههههههههههههههههههههههههههه
هههههههههههههههههههههههههه

لاتعليق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مواقف ..نمر بها	ليال	كافيه الخبر للحياة العامة	8	02-26-2009 03:17 PM
مواقف ؟!	أبو طيف	واحة الخبر للثقافة والأدب	6	07-30-2008 01:46 AM
مواقف محرجه وطريفه	حــكــيــم الــ ع ــالــمــي	كورنيش الخبر للصرقعة والدردشة	10	02-14-2008 06:41 AM
مواقف مضحكه	المازن	كورنيش الخبر للصرقعة والدردشة	6	12-08-2007 08:56 PM
من بعض مواقف صدام !	صعرور	كافيه الخبر للحياة العامة	8	01-13-2007 12:16 AM

المعلومات الواردة في هذا الموقع لا تعبر بالضرورة عن وجهة نظر الإدارة وإنما تعبر عن وجهة نظر كاتبها الإدارة لاتتحمل أدنى مسؤولية عما يكتبه الأعضاء أوعن أي علاقات قد تنشأ من خلال الموقع
روابط ذات صله	روابط ذات صله	روابط ذات صله	روابط ذات صله
سيارات الخبر مدينة الخبر العاب الخبر طب الخبر	مهرجان الخبر منتدى طلاب وطالبات الخبر منتدى برامج الخبر Institute For Languages تصميم الخبر	الخبر للاهداءات والترحيب عيادة الخبر واحة الخبر للثقافة والأدب صوتيات و مرئيات الخبر	افلام الخبر توبيكات \| توبك شرح برنامج الخبر برنامج الخبر كرة القدم الخبر

الذين يشاهدون محتوى الموضوع الآن : 1 ( الأعضاء 0 والزوار 1)

التسجيل مجاني
سجلاتنا تفيد بأنك غير مسجّل ,, يرجى التسجيل إسم العضو كلمة السر تأكيد كلمة السر البريد الإلكتروني تأكيد البريد الإلكتروني هل انت موافق؟ قوانين المنتدى